न्यूज अभियान
हरेक खबर विशेष खबर

काठमाडौं  । काठमाडौं स्पोर्ट्स एकेडेमीको आयोजनामा केएसए काठमाडौं १६ वडा कप राष्ट्रिय ¥यापिड चेस प्रतियोगिता कात्तिक १७ गतेदेखि हुने भएको छ ।

प्रतियोगिता स्वीस लिग प्रणाली बमोजिम ९ चरणको हुने आयोजक एकेडेमीका अध्यक्ष नारायणदास गमालले जनाएका छन् । प्रतियोगिताको कुल पुरस्कार राशी २ लाख ५३ हजार रुपैयाँ रहेको छ ।

खुलातर्फ १ हजार र महिला तथा १६ वर्षमुनि उमेरसमूह खेलाडीका लागि ५ सय दर्ता शुल्क तोकिएको छ । उपत्यका बाहिरका खेलाडीको आवासको व्यवस्था आयोजकले गर्ने बताइएको छ ।

काठमाडौं महानगरपालिका वडा १६ र काठमाडौं जिल्ला बुद्धिचाल संघको सह–आयोजनामा हुने दुईदिने प्रतियोगिताका खेलहरु नयाँ बजारस्थित  मल्टि भेन्युमा खेलाइने छ ।