न्यूज अभियान
हरेक खबर विशेष खबर

किशोरावस्थामा फिलिपिन्सका राष्ट्रपति फर्डिनाण्ड मार्कोसका बाबुसँग लडेका एक पूर्व मुस्लिम विद्रोही नेता अब्दुलराउफ माकाकुआ शुक्रबार दक्षिणी स्वशासित क्षेत्रको मुख्यमन्त्री निर्वाचित हुनुभएको छ । 

यो क्षेत्र दशकौँको सशस्त्र द्वन्द्वपछि गठन भएको थियो । यो कुल ८० सदस्यीय बङ्गसामोरो स्वायत्त क्षेत्र मुस्लिम मिन्डानाओ (बारएमएम) सभाबाट ५१ मतले निर्वाचित गरिएको हो । यो निर्वाचन क्षेत्रीय चुनावलगत्तै भएको हो, जसमा उहाँको दलले अहिलेसम्म ४१ सिटको बहुमत जित्न सकेको थिएन । 

उहाँका मुख्य प्रतिद्वन्द्वी तथा मोरो इस्लामिक लिबरेसन फ्रन्ट (एमआईएलएफ) गुरिल्ला समूहका पूर्व प्रमुख मुराद इब्राहिमले २७ मत पाउनुभएको थियो । 

मार्कोसका बाबुले सन् १९७० को दशकको सुरुवातमा फिलिपिन्सको दक्षिणमा भएको मुस्लिम विद्रोहविरुद्ध लड्नुभएको थियो ।

संसद्को उद्घाटन समारोहका उहाँ नै मुख्य अतिथि हुनुहुन्थ्यो । 

मार्कोसले सभालाई दिएको सम्बोधनमा भन्नुभयो, “शासन गर्ने अधिकार जित्नु ठूलो उपलब्धि थियो। पहिलो बङ्गसामोरो संसदीय निर्वाचन सफलतापूर्वक सम्पन्न हुनु अर्को ऐतिहासिक कदम थियो । अब कठिन भाग आउँछ।” 

क्षेत्रीय सरकारको भूमिका स्थिर सरकार निर्माण गर्नु हो जसले ‘प्रत्येक बङ्गसामोरो परिवारको दैनिक जीवनमा शान्तिको लाभ महसुस होस्’ भन्ने कामना उहाँले गर्नुभयो । 

माकाकुआलाई चुनावअघि क्षेत्रका अन्तरिम प्रमुख कार्यकारीको रूपमा मार्कोसले नै चयन गर्नुभएको थियो । यो कदम एमआईएलएफका वरिष्ठ नेतृत्वको आपत्तिविरुद्ध लिइएको थियो । एक समयका हात मिलाएर लड्ने साथी माकाकुआ र इब्राहिम त्यसपछि छुट्टिनुभएको थियो । यसले सेप्टेम्बरको मतदानमा प्रतिस्पर्धाको आधार तयार पारेको थियो ।

बारएमएम अझै देशको सबैभन्दा गरिब क्षेत्र हो र आधिकारिक सर्वेक्षणअनुसार साक्षरता दर पनि सबैभन्दा कम छ । यसको सरकार अझै पनि फिलिपिन्स सरकारबाट भारी नगद हस्तान्तरणमा निर्भर रहनेछ । यसका लागि प्रस्तावित सन् २०२७ को राष्ट्रिय बजेटमा ११५ अर्ब पेसो (१.८ अर्ब डलर) भन्दा बढी तोकिएको छ ।